مره واحد لقى مصباح دعكة طلع منة عفريت سرق الموبايل ودخل تانى الراجل استغرب دعك الفانوس تانى طلع العفريت سرق منة الساعة ودخل الراجل اتجنن دعك الفنوس تانى واول ما العفريت طلع قالة استنى انت اية هوه مش دة مصباح علاء الدين ؟ قالة لاء دة مصباح علاء مبارك يا معلم
واحد قاعد ياكل بذر تفاح صاحبه بيقوله ايه ده
... ... قاله : ده بذر تفاح
قاله : حد ياكل بذر تفاح
رد عليه : ده مفيد جدا ومنشط للذاكرة وبيزود الذكااااااااااء
قاله صاحبه : اديني شوية
رد صاحبه : لا انا هابيعلك 10 بذرات بـ 100 جنيه
قاله : ماشي خد المية وهات البذر
بدأ ياكل اول واحدة وتاني واحدة وبعدين بطل وقال بصوت عالي لصاحبه
انت بتضحك عليا انا كان ممكن اشتري 50 كيلو تفاح بالمية جنيه دي
رد صاحبه قاله : شوفت ازاي من تاني بزرة بدأت تفكر .. مش قولتلك بيزود الذكاء .. امال
بعد العشرة هتعمل ايه
مذيع بيقول لرقاصة مصرية الاخوان المسلمين هيمسكوا الحكم فى مصر
قالت و ماله نمثل معاهم
قال لها ازاى
قالت اكيد هيعملوا مسلسلات دينية و عاوزين كفار
واحد محشش ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك اتغير قوى يا محمد رد عليه وقاله انا مش محمد قاله ياه وكمان غيرت اسمك
مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته، قالهم لأ أنا شوفت الطبق اللي بياكل فيه بس
إبليس هرب من الوطن العربي .. سألوه ليش !؟
قال : علمتهم الغش والرشوة والسرقة والكذب !
وراحو اشتروا الفيلات و السيارات و كتبوا عليها :
[ هذا من فضل ربي
وزير مصرى بيسأل وزير أمريكي: إنتو ازاى بتسرقوا من الشعب؟
الوزير الأمريكي: شايف المشروع الي قدامنا ده؟؟
الوزير المصرى: إيوه شايفه
...
الوزير الأمريكي: دا تكلّفته مليار دولار, زبّطناها و قلنا إنّه اتكلف مليار ونص.
و إنتو ازاى بتسرقوا؟
الوزير المصرى: شايف المشروع الي هناك ده؟؟
الوزير الأمريكي: لا مش شايف حاجة
الوزير المصرى: الله ينور علييييييك,
اهو دا بقى يا سيدي اتكلّف خمس مليارات
واحد بيقول لحبيبته يمكن مكونش غنى و لا عندى فلوس ولا فيلا و لا عربية زى محسن صاحبى بس بحبك فحضنته و دمعت و قالت له لو بتحبنى بجد عرفنى على محسن
مرة احمد عز و جمال مبارك كانوا راكبين عربية احدث موديل بالسواق فاحمد عز بيفشر على جمال وبيقوله انا لما بدخل المصنع بتاعى بيقوم 5 الاف عامل و موظف بيصقفولى راح جمال رد عليه و انا لما بدخل الحزب بيقوم 10 الاف يصقفولى راح السواق رد و قال و انا لو دخلت بكم فى حيطة 85 مليون مصرى هيصقفولى
سألت مذيعة شاب مصرى ايه تعليقه على الخبر اللى بيقول
"زواج حوالي 300 فتاة ليبية من شباب تونس من الذين نزحو للاراضي التونسية خلال الثورة الليبية"
قال لها
نحب نطمن اخواتنا السوريات الي احنا مستنينهم وبان مصر بلادهم الثانية وان شاء الله الثوره تقوم فى لبنان يا رب.
وربي يحفظ السودان الشقيق والصومال وموريتنيا ويبعد عنهم شر الثورات
مذيعة بتسال صعيدى ايه اللى غيرته الثورة فى مصر قالها
ﺍﻟﻠﻰ ﻏﻴﺮته ﺍﻟﺜﻮﺭﺓ
ﺍﻥ ﺍﻻﻃﻔﺎﻝ ﺯﻣﺎﻥ ﻛﺎﻧﻮﺍ
ﺑﻴﻠﻌﺒﻮﺍ ﻋﺴﻜﺮ ﻭﺣﺮﺍﻣﻴﺔ ﺩﻟﻮﻗﺘﻰ ﺑﻴﻠﻌﺒﻮﺍ ﺛﻮﺍﺭ
ﻭبلطجيه
واحد بيعاكس واحدة ماشيه, قالها: يا عسل
قالت له: انت اهبل؟
قالها: رقم تليفونك
قالت له: انت اهبل؟
قالها: تتجوزيني
قالت له: انت بتتكلم بجد؟
قاللها: انتي هبله
واحد فرنساوي قال لواحد مصري تعالا ع بلادنا اوريـك التكنولوجيا
اخده واداله فاس و قاله احفر
قعد المصري يحفر لغايه ما لقى سلك
قال الفرنسي شايف من اول ما انخلقنا وعندنا
Internet !!
المصري ضحك وقاله طيب تعال على بلادنا اوريك التكنولوجيا
بعد ما رجعو قاله أحفر هنا
الفرنسي حفر 3 ايام ما لقاش حاجه
جاله المصري وقاله
.
.
احنا من اول ما إنخلقنا وعندنا
WIRELESS
الخميس مارس 22, 2012 8:10 pm
