الواد ابني .....تاعبني

الواد ابني بقى خم نوم لازم أزقه علشان يقوم
ويقولي يا با مش هتفرق لو يضيع العمر يوم
ما بقاش عاجبني منظره شكلي أنا وأمه معكره
عاقبه وأفكره بيحملني كل الهموم
الواد تاعبني ومش عاجبني .. الواد ابني بقى خم نوم
ويقولي ليه خلفتني وغلطت ليه وعلمتني
أنا لو حديد لازم أتني ويقوم يقطع في الهدم
وكل همه شات وبت بيلاقيها مدام في نت
من كتر نومه خايف يعت ونص عمره يعدي نوم
ويقولي يابا شعري شاب وضاع مني عز الشباب
حتى نعل الجزمة داب من كتر لفي كل يوم
وكل يوم نفس العذاب وعيشتي أصعب من الكلاب
إمتى أشوف للعدل ناب سيبني أنام ميت ألف يوم
الواد تاعبني ومش عاجبني .. الواد ابني بقى خم نوم
وأشده وأرمي في حضني يصرخ يقول ربي خدني
وأنا قلبي مش جايبني وإزاي يارب يجيني نوم
ويقولي نفسي أعيش حلال والتعليم كله في زوال
ولما أجيب بالعلم مال ما يكفنيش حق الحموم
الواد تاعبني ومش عاجبني .. الواد ابني بقى خم نوم
منقول ...